適逢士多啤梨當造，旺角帝京酒店推出草莓主題下午茶自助餐，主打以韓國、日本及法國士多啤梨所炮製嘅一系列精美甜品及小食，樣樣都勁吸引。由1月4日起就有得食喇，最平$148/位，士多啤梨控們有口福了！
撰文：Mila｜圖片來源：官方圖片
旺角帝京酒店士多啤梨伊甸園下午茶自助餐！
旺角帝京酒店花月庭將於1月4日至4月4日的星期六、日及公眾假期供應「草莓伊甸園下午茶自助餐」，餐廳為今次主題特別準備了超過10款以士多啤梨做主角嘅甜品。
1. 日本士多啤梨千層酥
千層酥一向是備受追捧的甜品之一，酥脆的口感叫人著迷。甜品師傅今次搞搞新意思，炮製出直徑約16吋長的巨型草莓千層酥，放滿一粒又一粒的日本士多啤梨，非常吸睛！
2. 士多啤梨白芝士慕絲蛋糕
日本士多啤梨置於蛋糕頂層，內層是香草海綿蛋糕及白芝士慕絲。慕絲以法國白芝士（Fromage Frais）炮製而成，口感醇厚，芝味淡香，比起其他芝士相對輕盈，食起上嚟就無罪惡感啦！
3. 野士多啤梨綠茶慕絲
法國士多啤梨遇上日本綠茶，是煥然一新的清新感覺。綠茶布甸與草莓慕絲互相交替，布甸口感Q彈與富空氣感的慕絲形成強烈對比，底部係野士多啤梨啫喱。
4. 士多啤梨玫瑰乳酪慕絲蛋糕
士多啤梨玫瑰乳酪慕絲蛋糕，充滿少女氣息。以日本草莓製作而成，細細粒，一口一件啱曬各位Ladies，食落仲會滲出淡淡玫瑰香。
5. 士多啤梨大黃熱情果慕絲蛋糕
大黃是北美常用的蔬果，味道帶酸，一般配合莓果製作甜品最為匹配。紅色朱古力片下，是草莓慕絲，蛋糕內夾雜了熱情果忌廉、草莓脆脆、大黃醬及杏仁蛋糕餅底，味道百感交集，別具特色。
6. 士多啤梨忌廉牛角酥
鬆化的牛角酥內，加入原粒韓國草莓及吉士忌廉，有別於一般以鹹味作主道的牛角酥，單看紅黃相間的賣相，未吃先吸引眼球。
7. 意式風乾火腿多士配醋香士多啤梨
以風乾熟成18個月的巴馬火腿配上香脆多士。大廚特別加入以香醋醃製已成的韓國草莓，味道酸酸甜甜，非常醒胃，是一道健怡美味的餐前小食。
除了以上各式各樣美食外，自助餐桌上亦提供多款以草莓作主題的必食推介，包括北海道忌廉芝士草莓壽司卷、韓國人氣草莓三文冶、黑胡椒草莓蜜餞雞翼、鮮草莓塔及焗草莓大黃金寶撻等，士多啤梨控點可以錯過呢！
餐廳︰花月庭
地址：太子道西193號帝京酒店2樓（查看地圖）
營業時間：（下午茶自助餐）逢星期六、日及公眾假期：下午3時-下午5時
電話：2622 6154
招牌菜：草莓千層酥、草莓白芝士慕絲蛋糕
網頁：https://www.royalplaza.com.hk/hk/hot-picks-for-strawberries-afternoon-tea-buffet/https://www.royalplaza.com.hk/hk/
草莓伊甸園下午茶自助餐
供應日期：由2021年1月4日至4月4日
供應時間：下午3時-下午5時
星期一至五甜品下午茶自助餐 (只供精選甜品)
成人：$218 小童：$158 學生：$218
以電話預約，有以下優惠價：成人：$168 小童：$128 學生：$148
星期六、日及公眾假期
成人：$275 、小童：$195
備註：
1)另收加一服務費
2)食品輪流供應
即睇更多：$158點心放題！紅磡九龍海逸君綽酒店 無敵維港海景90分鐘任食40款手工點心＋超抵Staycation優惠｜自助餐我要
即睇更多：北角歷山酒店自助餐網民真實食評！細數5大伏位：質素似酒樓、食物唔Refill！｜自助餐我要
The post 旺角帝京酒店 $148士多啤梨控下午茶自助餐！超多款日本、韓國士多啤梨甜品 食足2小時！｜自助餐我要 appeared first on 新假期.