佐敦恆豐酒店的自助餐，近日成為網民的心水Buffet推介，供應多款海鮮，包括紐西蘭生蠔、法國石蠔、藍青口、翡翠螺、雜錦新鮮魚生、加拿大鱈場蟹腳，另外仲有香煎法國鵝肝及慢燒肉眼牛扒等熟食，任食2.5小時！提早1日預訂更有65或7折，連埋加1最平$255就食到，也難怪餐廳爆場，1月已經全Full，即睇詳情！
撰文：肥龍｜圖片：Day、恆豐酒店官方網站、香港自助餐夾食集中討論區 hk buffet group@Facebook專頁截圖、自助餐/放題/飲食/酒店優惠情報分享Facebook專頁截圖、官方圖片
佐敦恆豐酒店 7折自助餐 2.5小時任食生蠔！
佐敦恆豐酒店以環球海鮮為主題，推出7折自助餐優惠！食足2.5小時名貴生蠔及冰鎮海鮮，不少網民試過之後都話抵食！
冷盤區 紐西蘭生蠔+法國石蠔+鱈場蟹腳
自助午餐有一系列冰鎮海鮮，紐西蘭生蠔、法國石蠔、凍蝦、藍青口等，肉質肥厚，加上獨特淡淡的海水味，十分爽口。星期六、日及公眾假期更有加拿大鱈場蟹腳，蟹肉飽滿鮮甜，啖啖滋味。
刺身區 三文魚+油甘魚+希靈魚
餐廳每晚輪流供應多款鮮魚刺身，質素不錯。
熟食區
熟食區必試香煎法國鴨肝伴多士，非常香口，風味十足。
廚師即切慢燒肉眼牛扒，熟度啱啱好，非常juicy。
即煮粉麵 自選配料
即煮粉麵檔，有米粉、米線、油麵、生麵共4款，配料選擇有豆卜、菜類、丸類和肉類。
粉麵檔有4款粉麵，8款配料，選擇算多。
沙律冷盤區
自選沙律共有十多種選擇，花多眼亂，每樣都很想一試。
甜品區
甜品方面有十多款蛋糕和甜點，也可以DIY班戟，更有多款Häagen-Dazs雪糕任你食。
網民激讚生蠔、鵝肝質素高！
食過恆豐酒店的自助午餐的網民都傾向好評，紛紛表示滿意。另外亦有不少網民大讚食物補給得快而且慷慨，一啲都唔度縮！不過想食都未必有位，餐廳1月已經全Full，要到2月才可訂座！
恆豐酒店環球滋味．海鮮自助午餐
餐廳：紅煙窗餐廳
地址：佐敦彌敦道222號恆豐酒店2樓（顯示地圖）
電話：2732 4611
網上訂座：https://bit.ly/35ZNJVB
供應時間：
逢星期一至五：中午12時至2時30分
逢星期六、日及公眾假期：
2021年1月16日起：中午11時至下午1時30分（首輪）、下午2時至4時（次輪）
價錢：
逢星期一至五：成人及長者$318，小童$218
逢星期六、日及公眾假期：成人及長者$388，小童$288
備註：
1）另以原價加一服務費
2）優惠只限兩位或以上
3）訂座請致電2732 4611或透過酒店網頁預訂
4）各款美饌輪流供應
5）優惠：提前最少1天預訂星期一至五及星期六、日及公眾假期之首輪自助午餐可獲7折優惠；星期六、日及公眾假期之次輪自助午餐65折優惠。
撰文：肥龍｜圖片：Day、恆豐酒店官方網站、香港自助餐夾食集中討論區 hk buffet group Facebook專頁截圖、自助餐/放題/飲食/酒店優惠情報分享Facebook專頁截圖｜資料來源：Prudential Hotel 恆豐酒店Facekook專頁
即睇更多：旺角帝京酒店 $148士多啤梨控下午茶自助餐！超多款日本、韓國士多啤梨甜品 食足2小時！｜自助餐我要
即睇更多：$158點心放題！紅磡九龍海逸君綽酒店 無敵維港海景90分鐘任食40款手工點心＋超抵Staycation優惠｜自助餐我要
The post 佐敦恆豐酒店自助餐 $255 任食生蠔＋長腳蟹2.5小時！65折優惠網民搶住Book｜自助餐我要 appeared first on 新假期.