旺角帝京酒店花月庭推出全新自助午餐！只需$348就可以任食即開生蠔、冰鎮海鮮、超多款士多啤梨主題甜品及MÖVENPICK雪糕！週六、日及公眾假期仲有烤澳洲M5和牛及薑蔥龍躉煲等升級美食！使用指定信用卡有7折優惠！即睇詳情！
撰文：Mila｜圖片來源：官方圖片
旺角帝京酒店自助餐！2.5小時任食M5和牛+即開生蠔！
花月庭全新「涎味．享樂」Good Food．Good Mood自助午餐，主打多款升級食材製作出不同美味菜式，午餐價錢晚餐享受！一齊睇下今次自助餐有咩重點推介！
1. 回本之選：即開生蠔+長腳蟹+冰鎮海鮮
一般只會於自助晚餐才找到的即開生蠔，現在於花月庭自助午餐也可找到！選用肉質肥美，味道清甜的美國生蠔，即叫即開，保證新鮮！
除了生蠔，冰鎮海鮮亦是另一個回本之選，包括熟海蝦、翡翠螺、藍青口、新西蘭青口及蜆等。於週六、日及公眾假期指定更有長腳蟹無限供應！
2. 烤澳洲M5 和牛肩
花月庭每逢週六、日及公眾假期更加推一系列升級美食，包括長腳蟹、炸蝦天婦羅、韓式醬油麻香燉牛肋骨、薑蔥龍躉煲、海鮮燉牛乳蛋白及炸黄金流心芝士蝦球等，最有睇頭的莫過於烤澳洲M5和牛肩！
3. 必食推介：海南雞飯
風味正宗的海南雞飯，依照海南師傅的配方及製法炮製而成，油飯混合了香蒜及斑蘭葉，食落更有風味。
4. 估你唔到鬼馬造型蛋糕
今次自助餐更加入了多款玩味十足的造型蛋糕，驟眼睇真係可以以假亂真，以為係火鍋／燒粟米？其實全部都係蛋糕！鬼馬造型打卡一流！
「港式火鍋」造型蛋糕
港式火鍋鬼馬蛋糕，造型像真度高！港人熱愛打邊爐，因而為大廚帶來靈感來源，炮製這款充滿港式味道的鬼馬蛋糕！
「香甜粟米及人氣烏冬」造型蛋糕
除了港式火鍋鬼馬蛋糕外，另一款香甜粟米鬼馬蛋糕亦同步登場！
另外，人氣烏冬鬼馬蛋糕同時於甜品區上無限供應，烏冬鬼馬蛋糕是在芒果椰子慕絲蛋糕上，放上椰子果凍製成的烏冬，加入黑糖啫喱湯底，再以白朱古力名門卷及朱古力蔥花點綴製作而成。
5. 大人氣士多啤梨甜品Encore！MÖVENPICK雪糕任食！
之前推出的草莓主題下午茶大受歡迎，因此酒店於今次自助餐保留了幾款精選人氣士多啤梨甜品，讓客人再次品嚐士多啤梨的甜蜜滋味！
草莓白芝士慕絲蛋糕
日本士多啤梨置於蛋糕頂層，內層是香草海綿蛋糕及白芝士慕絲。慕絲以法國白芝士（Fromage Frais）炮製而成，口感醇厚，芝味淡香，比起其他芝士相對輕盈，食起上嚟就無罪惡感啦！
野草莓綠茶慕絲
法國士多啤梨遇上日本綠茶，是煥然一新的清新感覺。綠茶布甸與草莓慕絲互相交替，布甸口感Q彈與富空氣感的慕絲形成強烈對比，底部係野士多啤梨啫喱。
草莓玫瑰乳酪慕絲蛋糕
士多啤梨玫瑰乳酪慕絲蛋糕，充滿少女氣息。以日本草莓製作而成，細細粒，一口一件啱曬各位Ladies，食落仲會滲出淡淡玫瑰香。
草莓大黃熱情果慕絲蛋糕
大黃是北美常用的蔬果，味道帶酸，一般配合莓果製作甜品最為匹配。紅色朱古力片下，是草莓慕絲，蛋糕內夾雜了熱情果忌廉、草莓脆脆、大黃醬及杏仁蛋糕餅底，味道百感交集，別具特色。
除了以上士多啤梨甜品外，場內還有芒果千層酥、豆腐芝士蛋糕、無粉朱古力蛋糕、燕窩蛋白杏仁茶等甜品及MÖVENPICK® 雪糕任食！
餐廳︰花月庭
地址：太子道西193號帝京酒店2樓（查看地圖）
營業時間：（下午茶自助餐）逢星期六、日及公眾假期：下午3時-下午5時
電話：2622 6154
招牌菜：即開生蠔、長腳蟹、烤澳洲M5和牛肩、海南雞飯、鬼馬蛋糕、士多啤梨甜品
網頁：https://www.royalplaza.com.hk/hk/seafood-and-homemade-lunch-buffet/
涎味．享樂 Good Food Good Mood自助餐
供應日期：即日至另行通知
供應時間：中午12時至下午2時30分
價錢：
星期一至五：成人：$348 小童：$248 長者：$288
星期六、日及公眾假期：成人：$398 、小童：$278 長者：$338
備註：
1)另收加一服務費
2)食品輪流供應
3)星期一至日惠顧自助餐並使用東亞信用卡結帳，2-9位內可獲7折優惠，敬請預先預訂。
撰文：Mila｜圖片來源：官方圖片
即睇更多：【新年情人節自助餐優惠2021】全港酒店大晒冷！早鳥優惠（不斷更新）｜自助餐我要
即睇更多：尖沙咀帝苑酒店85折半自助餐！Brunch食龍蝦蟹腳/芝士火鍋配黑毛豬風乾火腿/名物蝴蝶酥｜自助餐我要
The post 旺角帝京酒店自助午餐！任食M5和牛+即開生蠔！超多款士多啤梨甜品+鬼馬蛋糕！食足2.5小時！｜自助餐我要 appeared first on 新假期.