灣仔墨西哥餐廳Coyote，最近為慶祝開業20周年，推出$188自助晚餐，更有海鮮食！場內有超過30多款美食菜式，包括海鮮大蝦，大蜆，還有招牌墨西哥餡餅，醬烤豬仔骨，美國卡珍燒牛肉等，甜品都是無限任食，真是十分超值，灣仔一眾上班族下班去豪吃一下啦！
撰文：Sakura 攝影：Coyote
灣仔$188自助餐
現時自助晚餐閒閒地都要六至七百元，即使放題都要過二百。而灣仔墨西哥餐廳Coyote，為慶祝開業20周年，竟然推出$188自助晚餐！款式超過30多種，包括全新的海鮮大蝦，海鮮大蜆，牛油果莎莎墨西哥餡餅，醬烤豬仔骨，煙燻美國豬仔骨，串燒拼盤等，而甜品方面更有布丁，芝士蛋糕，款式多樣，任君選擇！另加$70更可享用招牌Coyote Punch，瑪格麗特等特飲，適合下班想飲番杯的人！
超過30多款美食 精選10大必吃！
大家別以為$188款式選擇不多，其實也有不少店內招牌菜式，甚至乎還有海鮮選擇！記者精選10大必吃推介，睇啱就book位啦！
1.海鮮大蝦及蜆
每隻蝦大隻新鮮，蝦肉結實帶甜，就算不沾醬都很有鮮味，另外蜆肉沒有沙，粒粒爽甜，都算不錯！
2.美國燒牛肉
牛肉軟腍，食落牛味濃郁，每塊都燒至帶點燻香，再配上燒汁，更加惹味。
3.醬烤豬仔骨
豬仔骨肥美肉厚，啖啖肉很滋味，再蘸上燒好的BBQ醬汁，更加入味。
4.迷你煙燻手撕豬肉漢堡
漢堡包大小剛好，咬落麵包皮香脆，手撕豬肉有點微辣，鮮嫩多汁，有陣陣煙燻味，正！
5.牛油果莎莎墨西哥餡餅
說到墨西哥菜又點少得牛油果呢！墨西哥傳統菜式牛油果餡餅，可自選調味料，再加落餡餅中，食落脆口，牛油果味勁濃郁，相當開胃！
6.煙三文魚
煙三文魚新鮮，食落肥美，魚肉肉嫩。
7.燒雞翼
雞翼香脆，肉質多汁，配上香橙青檸醬，酸酸甜甜，很美味。
8.任飲賓治和檸檬茶
只要加$20就可任飲雜果賓治，味道酸甜，配上餐廳菜式很合適。
9.士多啤梨布丁
布丁嫩滑，蛋味都足，配上酸甜士多啤梨，飯後甜品算不錯！
10.迷你芝士餅
現在還有多款送你芝士餅，包括芒果，抹茶，朱古力等，一啖一口很方便，每款甜度都剛剛好，不會太甜，有少許芝士味，很鬆軟。
Coyote Bar & Grill
地址 ：灣仔駱克道114-120號嘉洛商業大廈（顯示地圖）
電話： 28612221
星期一至日 12:00nn-2:00am
$188自助餐優惠
供應日期：即日起至2019年8月31日
供應時間：逢星期一至四 6:00pm-11:30pm
備註：每位$188，再加一
The post 灣仔$188豪食自助餐！超過30多款選擇 海鮮大蝦＋大蜆＋醬烤豬仔骨｜自助餐我要 appeared first on 新假期.