Porterhouse是中環蘭桂坊人氣扒房，最近推出Brunch自助餐，可任食和牛、烤肉、生蠔、凍海鮮、甜品等，款款吸引，簡直是食肉獸的天堂，現時$448就可歎到，CP值高！
撰文：Wuso｜攝影：Meck
食肉獸埋位！
中環蘭桂坊推任食Brunch
愈來愈多餐廳推出weekend brunch，除了香檳海鮮外，肉食扒類亦是另一 大受歡迎的主題元素，尤其是食肉獸們，平時去扒屋食件牛扒閒閒地都二、三百 蚊，現在$448/位任食，很吸引吧！說的正是位於蘭桂坊的Porterhouse。這間打正旗號賣靚扒的扒房，出名搜羅全球不同產地、部位的扒類，再自行熟成，尋求脂肪與肉香間的美妙平衡。最近新推出的 brunch很抵食，採全自助形式，所有食物都放在一字形長吧枱上：芝士約有四、五種，各式前菜冷盤亦有十多款；還有自選的沙律。至於凍海鮮就有齊開邊波士頓龍蝦、龍蝦鉗、鱈場蟹腳、翡翠螺、新西蘭青口、加拿大蜆、大蝦等，望上去都鮮美吸引。另外，亦有愛爾蘭的Heritage 生蠔，細細隻，質地爽甜。
必吃烤雞＋慢煮和牛牛舌
打正旗號是食肉獸自助餐，重頭戲當然是各式烤肉，每星期約有三款，次次不同，今周正是法國烤雞、荷蘭脆豬腩及澳洲和牛牛臀腰肉。烤雞指明用1.5kg 的法國雞，吃起來啖啖肉，不嚡不韌，又帶少少煙燻風味。至於豬腩，肥瘦相間，先醃一日，再風乾一 日，令外皮香脆。重點推介的牛腰肉，先以濕式熟成，並慢煮10-11小時至三至四成熟，最後入爐以香草 15-20分鐘，肉質幼嫩，非常 juicy，極之搶手，難怪日銷廿多公斤。烤肉以外，亦有幾款熱盤：煮牛舌、肉醬寬條麵、泰式鱸魚。當中牛舌最好味，大廚將澳洲和牛牛舌慢煮6小時，再以自家醬汁慢慢燜煮，軟熟得來又保持 牛舌獨有的彈性。
先要慢煮10-11小時，當日早上再 入爐烤香，牛肉非常軟嫩，又富肉香，可自選紅酒汁或青胡椒 汁；前者香濃，後者惹味。
重1.5kg 的法國鷄，要預早兩日以香草、 蒜和煙紅甜椒粉等醃好，然後烤約半小時。雞肉鮮嫩入味，帶微微煙燻香味。
荷蘭豬腩外皮極脆，肥瘦相間，醃一日，再風乾一日，大廚會用大量鹽來醃製豬皮，令外皮更香脆。
最後，別忘了留肚吃幾款甜品，蘋果批鬆化，肉桂香突出；兩款Gelato亦很特別，選用意大利品牌Iscream，幼滑得來，質感濃厚，吃得非常滿足。
餐廳：Porterhouse
地址：中環德己立街30-36號蘭桂坊加州大廈7樓（顯示地圖）
電話：2522 6366
供應時間：逢星期六、日 11:30am-3:30pm
收費：成人 $448/ 位、小童 $224/ 位
備註：
1）設加一，收現金及 信用卡
2）可另加 $188/ 位，任飲兩小時汽酒、紅白酒及 雞尾酒；又或者另加 $288/ 位，就可於brunch 全時段任飲。
The post Porterhouse中環蘭桂坊任食Brunch！狂掃和牛＋即開生蠔＋凍海鮮＋甜品｜自助餐我要 appeared first on 新假期.